Elordada qurylys jumystaryn talapqa saı atqarmaǵan 58 nysan baqylaýǵa alyndy
Elordada turǵyn úı qurylysyna úlestik qatysý máseleleri jónindegi vedomstvoaralyq komıssııasynyń otyrysy aıasynda 58 nysan turaqty baqylaýǵa alyndy, dep habarlaıdy astana.gov.kz.
Atalǵan nysandardyń qurylysynda Qazaqstan Respýblıkasynyń «Turǵyn úı qurylysyna úlestik qatysý týraly» jáne «Sáýlet, qala qurylysy jáne qurylys qyzmeti týraly» zańdary saqtalmaǵan, sondaı-aq, óndiristik jumystary kesteden aıtarlyqtaı keshiktirilip jatyr.
Tıisti zańbuzýshylyqtar qala turǵyndarynyń ótinishteri boıynsha jáne kezekshi jospar jasaýdyń nátıjesinde anyqtaldy. Anyqtalǵan faktiler boıynsha materıaldar quqyq qorǵaý organdaryna jiberiledi. Árbir nysan boıynsha qurylysty aıaqtaý jónindegi naqty algorıtm ázirlendi. Nysandar turaqty baqylaýǵa alyndy jáne memlekettik organdar óz quzyrettiligi sheginde belgilengen tártipte qurylysqa qatysty eskertýlerdi joıýǵa kómek kórsetedi.
Bul rette qala ákimdigi nysandardy memleket qarjysy esebinen aıaqtaý múmkin emestigin alǵa tartty.
