Elordada qurylys nysanynan urlyq jasaǵan kúdiktini ustady
NUR-SULTAN. QazAqparat - Krımınaldyq polıtsııa qyzmetkerleri jedel-izdestirý is-sharalaryn júrgizý kezinde urlyq jasady degen kúdikpen er adamdy ustady, - dep habarlaıdy QazAqparat.
«Tergeý barysynda anyqtalǵandaı, 47 jastaǵy qaskúnem keshki ýaqytta qurylys nysanynan 9 dana lıftiniń baǵyttaýshy quraldaryn urlap ketken. Ol urlanǵan zatty metall synyqtaryn qabyldaý pýnktine ótkizip úlgergen. Buryn urlyq jasaǵany úshin sottalǵan ustalǵan azamat óz kinásin moıyndady, onyń elorda aýmaǵynda buryn jasalǵan basqa qylmystarǵa qatysy bar-joǵy tekserilýde», - dep habarlady qalalyq polıtsııa departamentinen.
Atalǵan fakti boıynsha sotqa deıingi tergeý amaldary júrgizilýde. Kúdikti Nur-Sultan qalasy Polıtsııa departamentiniń ýaqytsha ustaý ızolıatoryna qamaldy.
Elordalyq polıtseıler túrli-tústi jáne qara metaldardyń satý jáne zańsyz aınalym oryndaryn únemi tekserip otyrady.
