Elordada qurylys qoımasy órtendi
NUR-SULTAN. QazAqparat - Elordada qurǵaq qurylys qospalary turǵan qoımadan órt shyqty. Bul jaıynda QR ІІM Tótenshe jaǵdaılar komıtetiniń resmı ókili Nursultan Nurahmet aıtty, dep habarlaıdy QazAqparat tilshisi.
Onyń dereginshe, elordanyń Kóktal kóshesi boıynda ornalasqan Alina Group JShS-nyń 4 qabatty ǵımaratyndaǵy qurǵaq qurylys qospalaryn saqtaýǵa arnalǵan qoımadan órt shyqqany týraly aqparat órt sóndirý qyzmetiniń pýltine saǵat 14.01-de túsken.
«Birinshi qabattaǵy aýmaǵy 90 sharshy metrdi quraıtyn aǵash sóreler janǵan. Oqıǵa ornyna jetken órt sóndirý bólimshesi saǵat 14.48-de órttiń jaıylýyn toqtatyp, 15.03-te óshirdi. Zardap shekkender men qaza tapqandar joq. Órtti sóndirýge Nur-Sultan qalalyq TJD jeke quramynyń 26 mamany men 6 tehnıkasy jumyldyryldy», - dedi N.Nurahmet.
