Elordada qurylys kompanııasy aýmaǵynan órt shyǵyp, 1 adam qaza tapty
ANA. 2 qańtar. QazAqparat - Elordada «Astana Qurylystrans» JShS-niń aýmaǵyndaǵy turmystyq ǵımarattan órt shyǵyp, bir azamat qaza tapty. Bul aqparatty QR Tótenshe jaǵdaılar mınıstrliginiń baspasóz qyzmeti taratyp otyr.
«Senbi 1 qańtar kúni saǵat 05:18-de Astana qalasynyń Almaty aýdanyna qarasty Vıshnevskoe tas jolynda ornalasqan «Astana Qurylystrans» JShS-niń aýmaǵyndaǵy turmystyq ǵımarattan órt shyqty. Órt ornynan 53 jastaǵy azamattyń denesi tabyldy», - delingen baspasóz habarlamasynda.
Vedomstvonyń atap ótýinshe, tilsiz jaýdy aýyzdyqtaýǵa QR TJM Astana qalalyq tótenshe jaǵdaılar departamenti jeke quramynyń 20 mamany men 4 tehnıkasy jumyldyrylǵan. Qyzyl jalyn sharpyǵan aýmaq 40 sharshy metrdi quraıdy.
