Elordada qurylys alańyndaǵy qoqystan órt shyqty
NUR-SULTAN. QazAqparat – Nur-Sultan qalasynda salynyp jatqan turǵyn úı kesheniniń aýmaǵynda órt shyqty, dep habarlaıdy QazAqparat qalalyq Tótenshe jaǵdaılar departamentiniń baspasóz qyzmetine silteme jasap.
«24 qyrkúıek kúni saǵat 19:35 mınýtta Nur-Sultan qalasy TJD Órt sóndirý bólimshesine Kenesary kóshesi 3A meken-jaıynan tútin kóringeni týraly habarlama kelip tústi. Órt sóndirýshiler oqıǵa ornyna 7 mınýtta jetip, salynyp jatqan turǵyn úı kesheniniń aýmaǵynda 50 sharshy metr alańda rýberoıd pen jınalǵan qoqys janyp jatqany anyqtaldy», - delingen habarlamada.
TJD –niń málimetinshe, órt sóndirýshiler tilsiz jaýdy saǵat 19:49-da aýyzdyqtap, 19:57-de órt tolyqtaı sóndirildi. Qaza bolǵandar men zardap shekkender joq.
Aıta ketsek, atalǵan órt oqıǵasyna qatysty vıdeolar men sýretter aldymen jelide tarady.
