Elordada qurylys alańynda kran qulady
ASTANA. QazAqparat – Astanada qatty jelden qurylys alańynda jumys istemeı turǵan kran qulady, dep habarlaıdy QazAqparat tilshisi TJM ónerkásiptik qaýipsizdik komıtetine silteme jasap.
«2023 jylǵy 18 maýsymda, shamamen saǵat 19:50-de, «GREENLINE. ASYL mura» turǵyn úı kesheni qurylysy alańynda (mekenjaıy: Astana qalasy, Nura aýdany, E10, E51,E305 (jobalyq ataýlary) Q. Muhamedhanov kóshesiniń qıylysy) qolaısyz aýa-raıynan, atap aıtqanda kúshti jeldiń saldarynan jumys istemeıtin KB – 401 krany qasynda turǵan kranǵa qulady. Krandar INVEST City JShS-ǵa tıesili», - delingen habarlamada.
Aqparatta aıtylǵandaı, tótenshe jaǵdaı saldarynan zardap shekkender men qurban bolǵandar joq.
«Qazirgi ýaqytta oqıǵa ornynda QR TJM ónerkásiptik qaýipsizdik komıtetiniń Astana qalasy boıynsha departamentiniń ınspektory jumys isteıdi», - deıdi vedomstvodan.
