Elordada Qurbaı aıt merekesinde táýlik boıy Call-ortalyq jumys isteıdi
«2023 jyly Qurban aıt merekesi 28-30 maýsym aralyǵynda ótedi. Qazaqstan musylmandary dinı basqarmasynyń aqparatyna sáıkes, qala meshitterinde 28 maýsym kúni saǵat 6:00-de Aıt namazy oqylady. Qala turǵyndaryna tıisti jaǵdaı jasaý maqsatynda qaladaǵy qoǵamdyq kólikter tańǵy saǵat 5:00-den bastap júredi», - dedi N. Álmuhanov Astana qalasynyń kommýnıkatsııalar qyzmetindegi baspasóz máslıhatynda.
Onyń aıtýynsha, elorda aýmaǵynda qurbandyq shalýǵa arnalǵan bes oryn bar.
Astana qalasynda bekitilgen oryndarda qurbandyq shalý saǵat 8:00-den 18.00-ge deıin júzege asyrylady.
Ornalasqan mekenjaılary:
1.«Baıqońyr» aýdany: 1. «Jaılaý» bazary, Alash tas joly, S 313 kóshesi («Sharyn» bazarynyń arty);
2. «Shanhaı» bazary, Alash shossesi, 34/6 («Kók bazar» bazarynyń arty);
3. «Shopan ata» bazary, («Rýbıkom» jáne Ámir bazarynyń ortasy);
4. «Barakat» bazary, A 369 kóshesi, №10 ǵımarat.
5. «Saryarqa» aýdany: «Uljan» ámbebap bazary, N. Tilendıev kóshesi, 24 (burynǵy «Saıanur» bazary).
Halyqtyń qurbandyq shalý jáne ózge de ózekti máseleler boıynsha suraqtaryna táýlik boıy «109» Call-ortalyǵy jaýap beredi.
Astana qalasynyń Sanıtarııalyq-epıdemıologııalyq baqylaý departamenti Qurban aıt kezinde qala aýmaǵynda sanıtarlyq baqylaý men qadaǵalaýdy kúsheıtedi. Bólingen mal soıý pýnkterinde sanıtarııalyq talaptardyń saqtalýyn sanıtarııalyq jáne veterınarııalyq qyzmet mamandary qamtamasyz etedi.
