Elordada Qurban aıtta mal soıatyn oryndar belgilendi
ASTANa. QazAqparat - Elordada sanıtarlyq-epıdemıologııalyq normalar men talaptardy saqtaý úshin qurbandyqqa shalynatyn maldy soıatyn arnaıy oryndar belgilendi, dep habarlaıdy qalalyq ákimdiktiń baspasóz qyzmeti.
Mal soıatyn arnaıy oryndar: «Nurbereke 555» JShS (Alash tasjoly), «Aısý» JShS (Alash tasjoly, 10 km), «Temesh» ShQ («Astana - Alash tasjoly», 7 km), «Agro Ónim Astana kompanııasy» JShS, «Jaılaý» (Alash tasjoly, 33), «Maqsat 2007» tasjoly (Jeleznodorojnyı kenti Ajar k-si, 20), «Shaýshen» JShS (Alash tasjoly, 10 km).
Qazirgi kezde óńirlerde adamdar men janýarlarǵa juǵatyn asa qaýipti aýrýlar tirkelip otyrǵandyǵyn eskere kele, elorda turǵyndary men qonaqtarynan mal satyp alý kezinde muqııat bolýlaryn suraımyz.
Maldardy tek atalǵan meken jaılar boıynsha ǵana satyp alyńyzdar. Satyp alý kezinde satýshydan malǵa jasalǵan vaktsınalar týraly tıisti belgiler qoıylǵan veterınarııalyq anyqtamany kórsetýin surańyz.
Ekpe jasalǵan kúnge basa nazar aýdaryńyz. Ekpe jasalǵannan keıin mal kem degende 15 kún karantınde bolady. Osylaısha, sońǵy ekpe 15 kún buryn jasalýy tıis.
Zańnama normalaryna sáıkes, ishki saýda obektilerine, sonyń ishinde bazarlarǵa satý úshin túsken janýarlardan alynatyn ónimder ony tamaqqa paıdalanýdyń qaýipsiz ekendigin kórsetetin ilespe veterınarııalyq qujattar bolmasa, tárkilenip, joıylady.
Aıta keteıik, bıyl Qurban aıt qyrkúıektiń 12-nen bastalady. QR Eńbek kodeksiniń 96-babyna sáıkes, Qurban aıttyń alǵashqy kúni demalys kúni bolady.
Qurban aıt Oraza aıaqtalǵan soń 70 kúnnen keıin atalyp ótiletin musylmandardyń eń ulyq merekeleriniń biri. Bul kúni qurbandyqqa mal shalynyp, onyń eti úshke bólinedi: bir bóligi kedeılerge taratylady, ekinshisi otbasyda qalady, al úshinshi bóligi qonaqtarǵa usynylady.
