Elordada Qurban aıt merekesinde mal soıatyn oryndar belgilendi
ASTANA. 4 qazan. QazAqparat - 15 qazanda Qurban aıt merekesi qarsańynda qalalyq ákimdikte abattandyrý jónindegi shtab otyrysynda is-sharalar josparynyń jobasy ázirlenip, veterınarlyq jáne sanıtarlyq qyzmettermen naqtylanyp, kelisilýde.
«Qazirgi ýaqytta aýdandardyń ákimdikteri tekserýler júrgizip, qurbandyq shalatyn negizgi oryn retinde «Altyn Taǵa» bazary (Qosshy kenti) belgilendi», - delingen Astana qalasy ákimdiginiń Qala ómiri tirshiligin qamtamasyz etý jáne ınfraqurylymdy damytý bóliminiń habarlamasynda.
Budan basqa, mal soıatyn pýnktter anyqtaldy. Olar:
- «Pışekombınat-Astanalyq plıýs» JShS, Dýlatov k-si, 191;
- «Nurbereke 555» JShS, Alash tas joly, 30 (Kók bazar);
- «Shaýshen» ShQ, «Astana-Sofıevka» tas jolynyń 9 km;
- «Maqsat 2007» JShS, Jeleznodorojnyı kenti, Aqjar k-si, 20;
Mal soıatyn alań «Temesh» ShQ, «Astana-Sofıevka» tas jolynyń 7 km ornalasqan.
Qazirgi ýaqytta tájirıbeli mal soıatyn jumyskerler qabyldanyp, tıisti kıimder daıyndalýda. Budan basqa, alańdarda ystyq tamaq ázirlenip, ishetin sý dıspenserleri, bıodárethanalar, konteınerler ornatylyp jatyr.
«QR DM Memlekettik sanepıdemqadaǵalaý komıteti departamentiniń, Aýyl sharýashylyǵy basqarmasynyń, QR AShM AÓK memlekettik ınspektsııa komıtetiniń aýmaqtyq ınspektsııasynyń, Almaty, Esil jáne Saryarqa aýdandary ákimderiniń apparattarynyń qyzmetkerlerinen, sondaı-aq, Saryarqa aýdany ІІB polıtsııanyń tirek pýnktteriniń ınspektorlary zańsyz qurbandyq shalý oqıǵalaryn boldyrmaý jáne aýdandardyń terrıtorııalarynda abattandyrý erejelerin qamtamasyz etý úshin barlyq qajetti sharalardy qabyldaıdy»,- delingen aqparatta.
Aıta keteıik, satýǵa arnalǵan maldardy jeke aýlalarda baqylaýsyz soıý Janýarlardy soıýdy uıymdastyrý jáne ótkizý qaǵıdalaryna qaıshy keledi. Sonyń saldarynan halyqtan kóptegen aryzdar kelip túsedi. Maldyń qaldyqtaryn tastaǵan jerge qańǵyǵan ıtter, qustar men janýarlar, kemirgishter jınalady.
Jumyspen qamtý jáne áleýmettik baǵdarlamalar basqarmasy turmysy tómen otbasylardyń tizimin ázirlep, qalalyq Din isteri basqarmasyna jáne «Nur Astana» meshitine, «Qazaqstan musylmandary dinı basqarmasy» dinı birlestiginiń fılıalyna joldady.
Óz kezeginde Jolaýshylar kóligi jáne avtomobıl joldary basqarmasy qajetti qoǵamdyq kóliktermen qamtamasyz etedi jáne merekelik is-sharalar ótetin oryndarǵa jetý joldaryn anyqtaıdy.
