Elordada Qurban aıt kúnderi mal satyp alatyn jáne soıatyn 6 oryn belgilendi
ASTANA. 14 qazan. QazAqparat - Bıyl 15-17 qazanda atap ótiletin Qurban aıt merekesi kúnderi sanıtarlyq talaptardy saqtaý maqsatynda Astana qalasynyń ákimdigi mal satyp alatyn jáne qurbandyq shalynatyn arnaıy oryndardy belgiledi, dep habarlady astana.kz saıty.
Elorda aýdandarynyń ákimdikteri qala aýmaǵyn tekserip shyǵyp, mal soıatyn (qurbandyq shalatyn) negizgi oryndar retinde «Altyn Taǵa» bazaryn (Qosshy kentiniń aýmaǵy) bekitti. Budan basqa, kelesi oryndar belgilendi:
Mal soıatyn pýnktter:
- «Pışekombınat-Astanalyq plıýs» JShS, Dýlatov k-si, 191;
- «Nurbereke 555» JShS, Alash tas joly, 30 (Kók bazar);
- «Shaýshen» sharýa qojalyǵy, «Astana-Sofıevka» tas joly 9-shaqyrym
- «Maqsat 2007» JShS, Jeleznodorojnyı kenti, Aqjar k-si, 20;
Mal soıatyn alańdar:
- «Temesh» sharýa qojalyǵy, «Astana-Sofıevka» tas joly, 7-shaqyrym.
Astana qalasy ákimi apparatynyń Ómirdi qamtý jáne ınfraqurylymdy damytý bóliminen astana.kz saıtyna habarlaǵandaı, bazarlarda mal soıatyn kisiler iriktelip alyndy, olarǵa tıisti kıim-keshekter berildi. Budan basqa, jergilikti jerlerde ystyq taǵamdar ázirlenip, sý ishetin dıspenserler, bıodárethanalar men konteınerler qoıylady.
