Elordada kýrerdi soqqyǵa jyqqan azamatqa qatysty tergeý bastaldy

NUR-SULTAN. QazAqparat – Keshe Nur-Sultan qalasynda «Glovo» jetkizý qyzmetiniń kýrerin soqqyǵa jyqqan azamatqa qatysty sotqa deıingi tergeý bastaldy. Bul týraly QazAqparat tilshisine Nur-Sultan qalalyq Polıtsııa departamentiniń baspasóz hatshysy Nuraly Táńirbergenov málim etti.

«Aǵymdaǵy jyldyń 22 tamyzynda saǵat 19:50 shamasynda polıtsııaǵa «Glovo» kýrerin uryp-soǵyp dene jaraqatyn salǵany týraly habarlama tústi. Atalǵan fakti boıynsha Esil aýdandyq polıtsııa basqarmasy Qylmystyq kodekstiń 293-baby (Buzaqylyq baby) boıynsha sotqa deıingi tergeý amaldaryn bastady. Onyń qorytyndysy boıynsha protsessýaldyq sheshim qabyldanatyn bolady»,- dedi polıtsııa departamentiniń baspasóz hatshysy.

Qosa ketsek, buǵan deıin Almatyda óz ulyn uryp-soqqan er adam qamaýǵa alynǵanyn habarlaǵan bolatynbyz.