Elordada kún sýytqannan keıin jazataıym oqıǵalar artty - TJD
«Ótken qysqy kezeńde azamattar daýyldy eskertýler men avtojoldardaǵy qozǵalys shekteýlerin elemeı aınalma joldardy paıdalaný faktileriniń oryn alǵanyn, qar qursaýynda tehnıkanyń qalý saldarynan adamdar ózderiniń jáne jaqyndarynyń ómirine qaýip tóndirgenin atap ótkim keledi. Osyǵan baılanysty departament azamattarǵa qysqy kezeńde qaýipsizdik erejelerin saqtaý jáne óz ómirine qaýip tóndirmeý qajettigi týraly taǵy da eskertedi», - dedi ol elorda ákimdiginde ótken brıfıngide.
Onyń atap ótýinshe, sýyq aýa raıy bastalǵan kezde azamattardyń júrip-turý jolynda bolatyn jazataıym oqıǵalar jıilep ketken.
«Aýa raıy jaǵdaıynyń nasharlaýyn boljaý kezinde biz halyqqa SMS-taratý, BAQ, áleýmettik jeliler, Telegram-arna, «Dármen» mobıldik qosymshasy arqyly daýyldy eskertýlerdi habarlap otyramyz. Daýyldy eskertý jarııalanǵan kezde alys jolǵa shyǵýdan bas tartýǵa keńes beremiz. Júrgizýshiler joldardyń jaǵdaıy týraly aqparatty qadaǵalap otyrýy qajet», - dedi Esen Baıyrov.
