Elordada kún saıyn eki myńǵa jýyq jol qyzmetkeri qala kóshelerin tazalaıdy
NUR-SULTAN. QazAqparat – Nur-Sultan qalasynda sanıtarlyq tazalaý jumysy kúsheıtilgen rejımde júrip jatyr, dep habarlaıdy QazAqparat elorda ákiminiń resmı saıtyna silteme jasap.
Astananyń kommýnaldyq qyzmetteri qorshaýlardy, kópirlerdi, eskertkishterdi, trotýarlardy jáne basqa da nysandardy jýyp tazalap júr. Elordanyń kommýnaldyq qyzmetteri kún saıyn qalanyń tórt aýdanynda sanıtarlyq tazalaý jumystaryn júrgizedi. Saıabaqtar, gúlzarlar, alańdar, aýla aımaqtary qoqystan tazartylady, trotýarlar men joldar, aıaldamalar, qorshaýlar jáne basqa da osyndaı oryndar jýylyp tazalanady, sondaı-aq kógaldandyrýǵa erekshe kóńil bólinedi.
Tazalaý jumysyna eki myńǵa jýyq jol qyzmetkeri men 500-den astam arnaıy tehnıka jumyldyryldy.
Asfalt pen trotýarlar, aıaldamalar men jol belgileri, qorshaýlar, jer asty ótkelderi arnaıy eritindimen jýylady. Sol sııaqty, qoqys jáshikteri qolmen tazalanady. Kommýnaldyq qyzmet mamandary aǵashtardyń túbin qopsytady ári jańa aǵash otyrǵyzatyn oryndardy daıyndaıdy, sýburqaqtardyń jumysyna da mán beredi.
Eske sala keteıik, 16 sáýir men 16 mamyr aralyǵynda elordada «Birge – taza Qazaqstan» jalpyrespýblıkalyq aktsııasy aıasynda ekologııalyq aılyq ótedi. Qalada jalpyqalalyq jáne kommýnaldyq senbilikter, sondaı-aq aǵash otyrǵyzý josparlanyp otyr.
