Elordada kún saıyn 200-ge deıin naýqas koronavırýspen aýrýhanaǵa túsýde
NUR-SULTAN. QazAqparat – «Elordada kún saıyn 200-ge deıin naýqas koronavırýspen aýrýhana jatqyzylýda. Bul týraly Nur-Sultan qalalyq qoǵamdyq densaýlyq saqtaý basqarmasynyń basshysy Tımýr Muratov aıtty, dep habarlaıdy QazAqparat tilshisi.
«Qabyldanǵan is-sharalardyń barlyǵy koronavırýstyq ınfektsııamen aýyratyndardyń sany kún saıyn artyp kele jatqanyn kórsetedi. Biz tósek-oryn sanyn kóbeıtýge jáne adamı resýrstardy ulǵaıtýǵa májbúrmiz. Juqpaly aýrýlar aýrýhanalaryna táýligine 150-200 adam jatqyzyla bastady», - dedi ol.
Basqarma basshysynyń atap ótýinshe, 2001 ınfektsııalyq tósek-orynnyń 598-i ǵana bos. Onyń ishinde 36 reanımatsııalyq tósek-oryn bar.
«Jansaqtaý bóliminde dál qazir 111 naýqas, KVI-men 100 adam jatyr. Aýyr jaǵdaıda 57 naýqas, óte aýyr halde 43 naýqas bar. Al 20-sy ókpeni jasandy jeldetý apparatyna qosylǵan», - dedi Tımýr Muratov.
