Elordada kún saıyn jol erejesin buzýdyń 1500 faktisi tirkeledi
ASTANA.KAZINFORM – Bas qalada joldaǵy tártipti qadaǵalaýdyń 12 kesheni jumys istep tur. Bul jóninde Astana qalasy ákiminiń orynbasary Erkin Ótebaev Parlament palatalarynyń birikken otyrysynda «Qazaqstan Respýblıkasy astanasynyń mártebesi týraly» zań jobasyn talqylaý barysynda málimdedi.
– Byltyr Jol qozǵalysyn uıymdastyrý ortalyǵy qurylǵan bolatyn. Kompanııa 12 keshenmen jabdyqtalǵan. Olar shaharda monıtorıng júrgizedi. Kúnine jol erejesin buzýdyń 1500 faktisi tirkeledi. Sonymen birge, atalǵan kásiporyn qyzmetin bastaǵannan beri evakýatsııa júıesi jumys isteıdi, ıaǵnı ruqsat etilmegen jerge qoıylyp, joldy bógep turǵan kólikterdi alyp, kóshirýmen aınalysady. Odan bólek, tsıfrlandyrý týraly zańǵa engizilgen normatıvtik ózgerister de bar, sonyń aıasynda jol júrý erejeleri avtomattandyrylady, – dedi Erkin Ótebaev senator Lázzat Rysbekovanyń saýalyna jaýap bere otyryp.
Aıta keteıik, buǵan deıin Astanada Sáýlet-qala qurylysy keńesi qurylatynyn jazǵanbyz.
