Elordada kún batareıalarymen jumys isteıtin aıaldamalar paıda boldy
ASTANA. QazAqparat - Astanada eksperıment retinde qalalyq elektr jelilerin jeńildetýge baǵyttalǵan kún batareıalary ornatylǵan aıaldamalar paıda boldy, dep habarlaıdy elorda ákimdiginiń medıa ortalyǵy.
Qazaqstan astanasynda elektr qýatyn únemdeýge septigin tıgizetin aıaldamalar jumys isteıdi. Aıaldamalardyń tóbesine ornatylǵan kún batareıalary kúndizgi jaryqty jınaıdy. Sonyń kómegimen aıaldama ózin-ózi jaryqtandyrady. Qondyrǵy kúnine 800 vatt qýat jınaıdy.
Mamandar qytymyr aıazdarda da aıaldamalar ishki resýrstardyń kómegimen jylynatynyn aıtady.
Aıta ketý kerek, bul jańashyldyqqa bıýdjet qarjysy shyǵyndalmaǵan.
«Joba pılottyq jáne jeke ınvestorlardyń qarajatyna júzege asyrylýda»,- dep málimdedi elorda ákimdiginiń medıa ortalyǵy tilshisine Astana qalasy energetıka basqarmasynyń mamany Qalı Bekzat.
Qazirgi ýaqytta qala ishinde osyndaı 5 aıaldama ornatyldy. Olar «Kerýen sıtı» SOSO (burynǵy «Mega»), «Hanshatyr», «Azııa park» jáne Ana men bala ortalyǵy mańyna qoıyldy.
Energetıka basqarmasy jyl sońyna deıin «aqyldy» aıaldamalar sany kóbeıetinin aıtady.
