Elordada quqyqtyq keńes beretin onlaın qyzmet iske qosyldy
NUR-SULTAN. QazAqparat –Qyzmettiń jańa túri tuǵyndarǵa quqyqtyq keńesterdi onlaın rejımde alýǵa múmkindik beredi, dep habarlaıdy elorda ákimdiginiń resmı saıty.
Atalmysh joba qoǵamdyq tártipti qamtamasyz etýge, zańsyz áreketterdiń aldyn alýǵa, sondaı-aq azamattardyń quqyǵyn qamtamasyz etýge baǵyttalǵan.
Sonymen qatar, «Senim» biryńǵaı qyzmetiniń maqsaty – turǵyndardyń quqyqtyq mádenıetin keńeıtý, olardyń qoǵamdyq uıymdarǵa degen senimin nyǵaıtý. «Alǵashqy kezeńdegi jobanyń pılottyq nusqasynda quqyqtyq keńester 14 adamǵa usynylǵan bolatyn.
Habarlasqan azamattardyń barlyǵy óziniń quqyqtyq saýattylyǵyn arttyrýǵa múddeli ekendigin aıtty», – deıdi qorǵaýshy zańger Ásel Moldaǵalıeva. Ol konsýltatsııalyq qyzmettiń elimizdegi tótenshe jaǵdaı rejıminde tegin keńes alýǵa múmkindik beretin qolaıly qural ekendigin atap ótti.
Jobany Nur-Sultan qalasy Іshki saıasat basqarmasynyń qoldaýymen elordadaǵy qoǵamdyq uıymdardyń ókilderi júzege asyryp jatyr. Baılanys telefony: + 7 7172 64 34 78, 8 771 996 09 27, 8 702 172 6139
