Elordada quqyq qorǵaý organy qyzmetkerlerin daıyndaıtyn eki oqý orny ózara yntymaqtastyq jónindegi memorandýmǵa qol qoıdy
ASTANA. Jeltoqsannyń 10-y.QazAqparat /Aıdar Ospanalıev/ - Búgin S. Esqaraev atyndaǵy QR Bas prokýratýrasynyń janyndaǵy Zańdylyq, quqyq tártibi problemalaryn zertteý jáne prokýratýra organdary kadrlarynyń biliktiligin arttyrý ınstıtýty men Qarjy polıtsııasy akademııasynyń arasyndaǵy yntymaqtastyq týraly memorandýmǵa qol qoıyldy,
dep habarlaıdy QazAqparat.
Zertteý ınstıtýtynyń dırektory Sarqytbek Moldabaevtyń aıtýynsha, quqyq qorǵaý kadrlaryn daıyndaıtyn atalmysh oqý oryndary atalmysh qujat negizinde bilim berý aıasyndaǵy sharalardy birlesken túrde júzege asyrmaq. ıAǵnı, bolashaqta atalmysh bilim ordalary ózara yntymaqtastyq saıasatyn ustanatyn bolady.
Kelisimge S.Esqaraev atyndaǵy ınstıtýt dırektory Sarqytbek Esqaraev pen Qarjy polıtsııasy akademııasynyń basshysy Ramazan Tileýhan qol qoıdy. «Quqyq qorǵaý kadrlaryn daıyndaıtyn oqý oryndary jetistikteri men tájirıbelerin ózara bólisip otyrǵandary jón. Bilikti zańger mamandardy daıyndaý salasynda ortaq teorııalyq tájirıbeniń bolǵany óte tıimdi. Óıtkeni, bizdiń maqsatymyz ortaq. Ol memlekettik qyzmetker daıyndaý», dedi S.Esqaraev.
Onyń sózin Qarjy polıtsııasy akademııasynyń basshysy R.Tileýhan da qoldap, eki oqý ornynyń arasynda «altyn kópir» paıda bolǵandyǵyna qýanyshty ekendigin jetkizdi.
