Elordada Quqyq qorǵaý organdary úılestirý keńesiniń kezekti otyrysy ótti

Jıynda ákimshilik aıyppuldardy óndirý týraly qaýlylardy oryndaýdaǵy zańdylyqtyń jaı-kúıi, sondaı-aq ákimshilik praktıka sýbektileriniń negizgi mindetterine qatysty máseleler talqylandy.

Otyrys barysynda málim bolǵanyndaı ákimshilik aıyppuldardy óndirý týraly qaýlylardy oryndaýdaǵy zańdylyqtyń jaı-kúıi óte tómen dárejede. Ákimshilik is júrgizý óndirisin statıtıkalyq súıemeldeýdiń qalyptasqan syzbanusqasynyń arqasynda aıyppul salý jáne óndirý boıynsha kóptegen faktilerdiń burmalanǵany anyqtalyp otyr.

Memlekettik organdardyń vedomstvolyq esepterindegi málimet pen quqyqtyq statıstıka organdarynyń málimetteri arasynda eleýli alshaqtyqtar bar. Al jalǵan kásiporyndarǵa salynǵan aıyppuldar bul jaǵdaıdy qıyndata túsýde. Sot oryndaýshylary qaýlylardy oryndaý merzimin buzyp, oryndaýshylyq qujattar negizsiz toqtatylyp, qaıtarylǵan, boryshkerlerdiń múlik jaǵdaıyn anyqtaý boıynsha sharalar qoldanylmaıdy. Nátıjesinde memleket paıdasyna óndirilgen aıyppuldardyń biraz bóligi bıýdjetke túspeı otyr. Úılestirý keńesiniń otyrysynda oǵan qatysýshylar atalmysh máseleler tóńireginde pikir almasyp, olar boıynsha tıisti usynystar engizdi.