Elordada quqyq buzýshylyqtyń aldyn alýǵa «Qaýipsiz aýla» jobasy kómektesedi
ASTANA. 12 aqpan. QazAqparat - «Qaýipsiz aýla» jobasy Astana aýmaǵynda 2008 jyldan bastap engizilip, ol beınebaqylaý kameralaryn ornatýdy jáne turǵyn úı keshenderinde konserjderge arnaıy oryn bólinýin qarastyrady, dep habarlaıdy Astana qalasy ІІD-niń baspasóz qyzmeti.
Búgingi kúni 46 turǵyn úı keshenindegi 97 kireberisti 166 konserj kúzetedi. Taldaý nátıjesi «Qaýipsiz aýla» aýmaǵynda quqyq buzýshylyq tirkelmegendigin kórsetti.
Elordanyń resmı saıtynyń jazýynsha, búginde Astanada «qaýipsizder» sanatyna kiretin 15 aýla bar. Solardyń biri - Qabanbaı batyr dańǵyly 6/3, 6/6 meken-jaıynda ornalasqan «Kaskad» turǵyn úı kesheniniń aýlasy. Onda quqyq buzýshylyqtyń aldyn alý úshin ǵana emes, ony tipten boldyrmaý joldaryn qarastyratyn biregeı qaýipsizdik júıesi jumys isteıdi.
Astana qalasy Іshki ister departamentiniń baspasóz qyzmeti habarlaǵanyndaı, kóptegen elderdiń ozyq tájirıbesinen úırenip, turǵyn úılerdiń aýlalaryndaǵy qaýipsizdik máselesin sheshý bılik organdarynyń basty mindetteriniń biri bolyp tabylady. «Qaýipsiz aýla» jobasynyń arqasynda júzdegen qoǵamdyq tártip buzýdyń aldy alyndy. On myńdaǵan beınematerıal quqyq qorǵaý organdaryna berilip, avtokólik ıelerine saqtandyrý kompanııalary ótemaqylaryn tóledi. Júzdegen adamdar alǵashqy medıtsınalyq kómekti der kezinde alyp, ómirlerin saqtap qaldy.
