Elordada qudyqqa túsip ketken er adam qutqaryldy

ASTANA. QazAqparat - Elordalyq qutqarýshylar búgin saǵat 15:08-da Aqmola oblysy Qaraótkel aýylynda er adamnyń qudyqqa túsip ketkeni týraly kelip túsken habarlama boıynsha jolǵa shyqty.

Shaqyrtý ornyna kelip jetken elordalyq TJD 3-MÓSB órt sóndirýshileri jáne jedel qutqarý jasaǵynyń qutqarýshylary er adamnyń tereńdigi shamamen 5 metrdi quraıtyn qudyqqa qulap ketkenin anyqtady, dep habarlaıdy QazAqparat QR Tótenshe jaǵdaılar mınıstrliginiń baspasóz qyzmetine silteme jasap.

Qutqarýshylar jedel áreket etip, tereńge túsip, er adamnyń arqasyna tasymaldaý kótergishin bekitip, birlesken árekettermen qutqarý arqanynyń kómegimen 1986 jyly týǵan er adamdy aman alyp shyqty.