Elordada qubyr jarylyp, Pýshkın kóshesin sý basty
NUR-SULTAN. QazAqparat - Elordada sýyq sý qubyry jarylyp, Pýshkın kóshesin sý basty, dep habarlaıdy QazAqparat tilshisi.
«Astana sý arnasy» mekemesiniń málimetinshe, búgin saǵat 12-30-da «QazGerQurylys» JShS merdiger kompanııasy jer qazý jumystaryn júrgizý barysynda dıametri 900 mm-lik shoıyn qubyrdy zaqymdaǵan. Qazirgi ýaqytta atalǵan aýmaqta turatyn turǵyndardy basqa qubyrǵa qosý jáne zaqymdanǵan qubyrdy jóndeý jumystary júrgizilip jatyr.
«Sý jetkizý uıymdastyryldy. Sý tasıtyn kóliktiń qaı jerde turǵanyn 76-76-76 nómiri arqyly anyqtaýǵa bolady. Ýaqytsha qolaısyzdyq úshin keshirim suraımyz», - dedi baspasóz qyzmetinen.
Qazirgi ýaqytta Eýrazııa ulttyq ýnıversıteti men Otyrar kitaphanasy aralyǵyndaǵy joldyń ústin sý basqan. Adamdar joldan arly-berli aıaq kıimderin sheship tastap ótýge májbúr.
