Elordada KTK komandalarynyń qatysýymen «Chempıondar lıgasy-2010» arnaıy jobasy ótedi
ASTANA. Naýryzdyń 12-si. QazAqparat - Naýryzdyń 13-inde elordadaǵy Kongress-Holl saraıynda «Qazaqstan KTK odaǵy» respýblıkalyq jastar qoǵamdyq birlestiginiń uıymdastyrýymen, QR Mádenıet jáne aqparat mınıstrliginiń qoldaýymen jáne 2009 jyldyń úzdik Kóńildiler men tapqyrlar komandalarynyń qatysýymen «Chempıondar lıgasy-2010» arnaıy jobasy ótedi. Bul aqparatty atalǵan qoǵamdyq birlestiktiń baspasóz qyzmeti taratyp otyr.
Mádenı is-sharaǵa «Qazaqstan KTK odaǵy» aıasynda 2009 jyly ótken lıgalardyń jeńimpazdary men júldegerleri qatyspaq. Atap aıtqanda, «Qulsary quramasy» (Qulsary, Atyraý), «QazUÝ quramasy» (Almaty), «Sóz tımesin» (Shymkent), «Maqtanshaqtar» (Qyzylorda), «Jumyr» (Almaty), «Aral AS» (Aral), «Qyzyq Orda» (Qyzylorda), «Hromtaý quramasy» (Hromtaý, Aqtóbe) jáne «Dostar KZ» (Semeı) KVN komandalary sahna tórinde óner kórsetpek. Bul komandalar úlken jáne kishi kýboktar úshin baq synaıtyn bolady.
«Qazaqstan KTK odaǵynyń maqsaty - qazaq tilin keńinen qoldaný órisin kórkeıte túsýge jáne de bedelin arttyrýǵa úles qosý, jas býyndy tárbıeleýdiń negizgi baǵyttarynyń iske asýyn qoldaý, «Qazaqstan - 2030» memlekettik damý strategııasynda kórsetilgen salaýatty ómir saltyn nasıhattaý, jastardyń jan-jaqty shyǵarmashylyq qabiletterin damytý, olardyń zerdelik áleýetin júzege asyrý, Qazaqstan halyqtarynyń ulttyq salt-dástúrleri men ádet-ǵuryptarynyń damýyna, ónegeli jáne rýhanı baılyqtaryn nyǵaıtýǵa jaǵdaı jasaý», delingen baspasóz habarlamasynda.
