Elordada krannyń kópqabatty úıge qulaý oqıǵasyna qatysty sotqa deıingi tergeý bastaldy
NUR-SULTAN. QazAqparat – Nur-Sultan qalasynda turǵyn úıdiń altynshy qabatyna krannyń qulaý oqıǵasyna qatysty sotaldy tergeý bastaldy, dep habarlaıdy QazAqparat tilshisi Nur-Sultan qalasy polıtsııa departamentiniń baspasóz qyzmetine silteme jasap.
«28 sáýir kúni saǵat 15:50-de «102» arnasyna Syǵanaq kóshesi boıyndaǵy úıde 6-qabatta ornalasqan páterdiń terezesine avtokrannyń jebesi qulaǵany týraly habarlama kelip tústi. Oqys oqıǵadan qaza bolǵandar men zardap shekkender joq. Esil aýdandyq polıtsııa basqarmasy QR QK-niń 204-baby «Bóten múlikti abaısyzda joıý nemese búldirý» boıynsha sotqa deıingi tergeýdi bastady», - deıdi polıtsııa departamentinen.
Sondaı-aq, habarlamada aıtylǵandaı tergeý amaldary barysynda zalaldyń somasy belgilenedi.
Eske sala keteıik, Nur-Sultan qalasynyń Syǵanaq kóshesinde ornalasqan turǵyn úıdiń altynshy qabatyndaǵy páterdiń terezesine avtokran qulady .
Óz kezeginde qala ákimdigi bolǵan jaıtqa túsinik berip, krany kópqabatty úıge qulap ketken merdigerdiń jazalanatynyn habarlady.
Keshe kópqabatty úıge qulap ketken krannyń ıesine aıyppul salynǵany belgili boldy.
