Elordada QR TJM-niń III qysqy spartakıadasy ótýde
ASTANA. 17 aqpan. QazAqparat /Jasulan Amanbaıuly/ - Búgin Astanadaǵy «Qulager» sport kesheninde QR Tótenshe jaǵdaılar mınıstrliginiń III qysqy spartakıadasy ashyldy.
Spartakıadaǵa respýblıkanyń ár óńirinen 21 komanda jáne Omby, Baıqońyr qalalarynan sportshylar qatysýda. Eki kúnge sozylatyn jarystyń barysynda komandalar órt sóndirý-qutqarý sporty, shańǵy jarysy, ústel tennısi, voleıbol jáne shahmattan synǵa túsedi.
Uıymdastyrýshylar atalmysh dodany Qazaqstan Táýelsizdiginiń 20 jyldyq mereıtoıyna arnap otyr.
«Mundaı jarystar vedomstvo qyzmetkerleriniń tek mamandyqqa saı kásibı deńgeılerin jetildirip qana qoımaı, olardyń jaýyngerlik rýhtaryn nyǵaıtýǵa jáne jalpy elimizdiń buqaralyq sportyn damytýǵa úles qosady»,-deıdi QR Tótenshe jaǵdaılar mınıstrliginiń apparat basshysy Seıitqazy Aqasov.
