Elordada QR TJM bólimsheleriniń qyzmetkerleri arasynda sporttyq jarystar bastaldy

STANA. Tamyzdyń 17-si. QazAqparat /Marlan Jıembaı/ - Búgin Elordada QR Tótenshe jaǵdaılar mınıstrligi bólimsheleriniń qyzmetkerleri arasynda sporttyq jarystardyń ashylý rásimi ótti.

Qazaqstan Respýblıkasy Konstıtýtsııasynyń 15 jyldyǵyna arnalǵan sporttyq sharany ashqan QR Tótenshe jaǵdaılar mınıstri Vladımır Bojko jarysqa qatysýshylardy quttyqtaı kele, olarǵa jeńis tiledi.

«Mundaı zalda, alańda ári mynadaı tamasha jolmen júgirýdiń ózi ǵanıbet. Sporttyq jarysta bári de birdeı. Sondyqtan naǵyz myqtylar jeńiske jetsin», dedi ol óz sózinde.

Elimizdiń Tótenshe jaǵdaılar mınıstrligi men «Órt sóndirýshiler men qutqarýshylar sporttyq federatsııasy» qoǵamdyq birlestiginiń uıymdastyrýymen ótip jatqan sporttyq shara úsh kúnge sozylady.

Osy aralyqta 10-ǵa jýyq komanda fýtbol, voleıbol jáne tennıs boıynsha jarys kórigin qyzdyra túspek.