Elordada QR Tuńǵysh Prezıdentiniń kúnine oraı ǵylymı-praktıkalyq konferentsııa ótedi

ASTANA. 20 qarasha. QazAqparat - QR Tuńǵysh Prezıdentiniń kúni qarsańynda elorda ákimdigi «Qazaqstan Respýblıkasynyń Tuńǵysh Prezıdenti - táýelsiz memleketimizdiń nyshany» taqyrybynda ǵylymı-praktıkalyq konferentsııa ótkizedi. Іs-sharada Parlament jáne qalalyq máslıhat depýtattary, memlekettik jáne qoǵamdyq qyzmetkerler, kórnekti ǵalymdar, sarapshylar, saıası partııalardyń jáne úkimettik emes uıymdardyń ókilderi bas qosady, dep habarlady astana.kz .

Konferentsııanyń maqsaty - QR Tuńǵysh Prezıdentiniń memlekettiń qalyptasýyndaǵy, saıası jáne áleýmettik-ekonomıkalyq reformalardy sátti júrgizýdegi, sonymen qatar, elimizde beıbitshilik pen kelisimdi, qaýipsizdikti qamtamasyz etýdegi rólin talqylaý; táýelsiz memleketimizdiń turaqty damýynyń fýndamenti bolyp tabylatyn Elbasy N.Nazarbaevtyń saıasaty men ıdeıalaryna qoǵamdy shoǵyrlaý bolyp tabylady.

«Egemendi Qazaqstannyń negizin salýdyń jáne nyǵaıtýdyń tarıhı mıssııasy Qazaqstannyń Tuńǵysh Prezıdenti - Elbasy Nursultan Nazarbaevqa tıesili. Onyń jetekshiligimen keń aýqymdy quqyqtyq, ekonomıkalyq, saıası jáne áleýmettik reformalar júrgizildi. Qazaqstan memleketiniń negizin qalaýshy Prezıdent barsha qazaqstandyqtar moıyndaǵan jáne halyqaralyq qoǵamdastyq tarapynan qurmetke ıe bolǵan jahandyq bastamalardyń avtory», - deıdi uıymdastyrýshylar.

«Dúnıe júzinde qandaı da bolmasyn memlekettiń gúldenýin tikeleı bir ǵana adamnyń esimimen baılanystyratyn jaǵdaılar sırek kezdesedi. Ádette, bul erekshelikteriniń arqasynda qoǵamdyq kúshti jańa memlekettiń negizin qalaýǵa jáne oǵan álemdik yntymaqtastyqta laıyqty oryndy qamtamasyz etýge baǵyttaǵan tanymal tulǵalar. Konferentsııanyń ózektiligi elimizdiń Tuńǵysh Prezıdentiniń saıası qyzmetin zertteý mańyzdylyǵy jáne prezıdent ınstıtýty bekitilip, áreket etken jyldary oryn alǵan negizgi qoǵamdyq-saıası jáne áleýmettik-ekonomıkalyq oqıǵalardyń mánin túsiný bolyp tabylady», - dep atap ótti uıymdastyrýshylar.