Elordada QR Tuńǵysh Prezıdenti kúnine oraı memlekettik organdar arasynda jyldam shahmattan týrnır ótýde
Elimizde alǵash ret uıymdastyrylyp otyrǵan sharaǵa barlyq mınıstrlikterdiń, agenttikter men QR úkimeti Ortalyq apparatynyń, vedomstvolarynyń, sonymen qatar ulttyq kompanııalardyń 21 komandasy qatysýda.
Astana qalasynyń shahmat federatsııasynyń jáne elorda ákimdiginiń qoldaýymen osy birinshilikti uıymdastyrýdy QR Memlekettik qyzmet isteri agenttiginiń qolǵa alǵandyǵyn aıtqan atalǵan vedomstvonyń tóraǵasy Álıhan Báımenov: «Sebebi, Elbasynyń san qyrly saıasatynyń ishinde jalpy sportqa, onyń ishinde zııatkerlik oıyndarǵa, onyń ishinde shahmatqa erekshe mán beretindigin ózderińiz bilesizder. Qudaıǵa shúkir, shahmat álem tanyǵan zııatkerlik oıyn. Men Toǵyzqumalaq federatsııasynń tóraǵasymyn. Ol bizdiń ulttyq oıynymyz. Al shahmat búkil álem moıyndaıtyn zııatkerlik oıyn», - dedi.
Sondaı-aq ol týrnırdiń ashylý rásim barysynda qatysýshylarǵa tabys tilep, shahmattan 4 dúrkin álem chempıony Jansaıa Ábdimálikke arnaıy syılyq tabystady.
