Elordada QR Tuńǵysh Prezıdenti kúnine oraı «Dýmandy el» kontserti ótedi
ASTANA. 26 qarasha. QazAqparat - 30 qarashada Qazaq ulttyq óner ýnıversıtetiniń organ zalynda «Saryarqa» ulttyq ansambliniń «Dýmandy el» kontserti ótedi. Bul týraly Astana qalasynyń memlekettik fılarmonııasyna silteme jasap astana.kz habarlady.
Kontsertte QR eńbek sińirgen qaıratkeri Gúlzıra Bókeıhanqyzy, mádenıet qaıratkeri Estaı Muqashev, Qazaqstan jastar odaǵy syılyǵynyń laýreaty Nuraı Tanabaev, Ámire Qashaýbaev atyndaǵy respýblıkalyq baıqaýdyń jeńimpazy Erlan Rysqalı, Danııar Muqan, Perızat Turarova, Shámshi Qaldaıaqov ánderi baıqaýynyń laýreaty Kúnsulý Turlybekova óner kórsetedi.
Kontsertte Óskenbaıdyń «Qazaqstan», Táttimbettiń «Kósh janaǵan», N.Tilendıevtiń «Óz elim», E.Úsenovtyń «Uran kúı» shyǵarmalary oryndalady.
