Elordada QR Tuńǵysh Prezıdenti kúnine oraı birqatar sporttyq is-sharalar ótedi

ASTANA. QazAqparat - Astanada 1 jeltoqsan QR Tuńǵysh Prezıdenti kúnine oraı, 27 qarasha men 3 jeltoqsan aralyǵynda birqatar sporttyq is-sharalar ótedi, dep habarlaıdy QazAqparat ákimdiktiń medıa ortalyǵyna silteme jasap.

27 qarashada «Saryarqa» velotreginde 2019 jyly bolatyn álem chempıonatyna «Qazaqstan-Irak» arasynda basketboldan biliktilik týrnıri ótedi.

27-29 qarashada «Dáýlet» SK merekeniń qurmetine QR Joǵary bas qolbasshysynyń kýbogyna arnalǵan erler arasyndaǵy qoıan-qoltyq urys boıynsha ІІІ respýblıkalyq ashyq týrnır ótedi.

27-30 qarashada «Tolqyn» SK 2005-2006 jyly týylǵan jasóspirimder arasynda bokstan Astana qalalyq birinshiligi ótedi.

1 jeltoqsanda shańǵy roller tas jolynda barlyq shańǵyshylar jarysqa jınalady.

1-3 jeltoqsanda «Dáýlet» SK tennısten QR chempıonatynyń VI ashyq chempıonaty ótedi.

2-3 jeltoqsanda - «Dáýlet» sportkombınatynyń júldesi boıynsha tennısten balalar týrnıri ótedi.

3 jeltoqsanda «Barys arena» muz saraıynda 2017-2018 «Barys - Metallýrg Mg» KHL chempıonatynyń maýsymy.