Elordada QR Prezıdenti janyndaǵy Memlekettik basqarý akademııasy túlekteriniń І forýmy ótýde

Alqaly jıyndy ashqan akademııa rektory Aryn Órsarıevtiń atap ótýinshe, forým Elbasy saıasatyn qoldaý, memlekettik basqarý protsesine qatysy bar býyndardyń ózara baılanysyn jalǵastyrý úshin aldaǵy ýaqytta Akademııanyń ártúrli jyldardaǵy túlekterin biriktirý maqsatynda «Prezıdentpen bir komandada - kúshti Qazaqstan úshin» uranymen ótkizilýde.

«Sońǵy 10 jylda barlyq ınstıtýttar boıynsha túlekter sany shamamen 1000 adamdy qurady. Onyń ishinde qazirgi ýaqytta 100-den astam túlek joǵary laýazymdyq qyzmetter atqarady. ıAǵnı, is júzinde bizdiń túlekterdiń árbir onynshysy 10 jyl ishinde joǵary memlekettik laýazymǵa qol jetkizedi», - dedi ol.

Onyń aıtýyna qaraǵanda, 2009 jyly túlekterdiń 27 paıyzynyń laýazymy joǵarylaǵan. Al taǵy 40 paıyzy sýdıa bolyp taǵaıyndalǵan. Akademııa túlekteri aldynda birqatar elderdiń prezıdentteri, Garvard, Londonnyń ekonomıkalyq saıası ǵylymdar mektebi, Sıngapýrdyń ulttyq ýnıversıteti syndy álemniń úzdiń bilim oshaqtarynyń jetekshi ǵalymdary dáris oqyǵan.

Alqaly jıyn sońynda akademııanyń burynǵy basshylaryna albomdar men estelik syılyqtar tabys etilip, túlekterdiń І forýmynyń qarary jarııa etilmek.