Elordada QR Prezıdenti kýbogy úshin shaıbaly hokkeıden halyqaralyq týrnır ótip jatyr
ASTANA. 10 tamyz. QazAqparat - Keshe elordadaǵy «Qazaqstan» sport kesheninde el Táýelsizdiginiń 20 jyldyq mereıtoıyna arnalǵan QR Prezıdenti kýbogy úshin shaıbaly hokkeıden halyqaralyq týrnır bastaldy.
Baıraqty básekeni uıymdastyrýshy «Nur Otan» HDP men Qazaqstannyń shaıbaly hokkeı federatsııasy atynan sóz alǵan partııa Tóraǵasynyń birinshi orynbasary Nurlan Nyǵmatýlın quttyqtaýynda bıylǵy týrnırdiń ereksheligi - QR Táýelsizdiginiń 20 jyldyq mereıtoıyna oraı uıymdastyrylyp otyrǵandyǵynda ekendigin basa aıtty.
Onyń atap ótýinshe, elimizde sporttyń barlyq salasy qarqyndy damý ústinde. Ásirese, Elbasy N.Nazarbaevtyń bastamalary men erekshe qamqorlyǵynyń arqasynda qazaqstandyq sport, sonyń ishinde hokkeı de óziniń joǵary deńgeıine kóterilýine múmkindik aldy.
El Táýelsizdiginiń 20 jyldyq mereıtoıyna oraılastyrylyp otyrǵan sporttyq sharaǵa Qazaqstan men Reseı Federatsııasynyń negizgi hokkeı komandalary qatysýda. Jankúıerler Hanty-Mansynyń «ıÝgra», Habarovskiniń «Amýr», sonymen qatar astanalyq «Barys» jáne óskemendik «Qazmyrysh-Torpedo» klýbtary oıynshylarynyń muz aıdynyndaǵy ónerin tamashalaýǵa múmkindik alady. Elordanyń «Barys» komandasymen ótken matchtar jáne 13 tamyz kúngi fınaldyq oıyn «Astana» telearnasynan tikeleı efır arqyly kórsetiledi.
