Elordada QR Parlamenti Senaty depýtattyǵyna 3 kandıdat tirkeýden ótti
ASTANA. 1 tamyz. QazAqparat /Marlan Jıembaı/ - Elordada QR Parlamenti Senaty depýtattyǵyna 3 kandıdat tirkeldi. Bul týraly búgin qalalyq saılaý komıssııasynyń tóraǵasy Qarshyǵa Qulmuqanov málim etti.
«2011 jylǵy 29 shildede Qazaqstan Respýblıkasy Parlamenti Senaty depýtattyǵyna kandıdattardy usyný aıaqtaldy. Astana qalasy boıynsha Senat depýtattyǵyna 7 kandıdat usynyldy. 1 kandıdatty qalalyq máslıhat sessııasy, al 6 kandıdat ózin-ózi usyndy», - dedi ol.
Onyń atap ótýinshe, usynylǵan kandıdattardyń úsheýi, atap aıtqanda Vladımır Redkokashın, Sársenbaı Myńbaev jáne Andreı Lapenko tirkeýden ótken.
