Elordada QR Qarýly Kúshteri ardagerleri qoǵamdyq birlestiginiń keńesi ótti

Jıynǵa «Qazaqstan Respýblıkasy Qarýly Kúshteri ardagerleri» qoǵamdyq birlestiginiń tóraǵasy, Halyq Qaharmany general-leıtenant Baqytjan Ertaev qatysty. Kún tártibine oraı qalalyq keńestiń toǵyz adamnan turatyn basshylyq quramy bekitildi. Ardagerler general-leıtenant B. Ertaevtyń usynysymen qalalyq keńes tóraǵasyna zapastaǵy avıatsııa general-maıory Jıentaı Sandybaevty biraýyzdan saılady.

Esterińizge sala ketsek, naýryz aıynyń sońynda zapastaǵy generaldar men ofıtserlerdiń bastamasymen «Qazaqstan Respýblıkasy Qarýly Kúshteri ardagerleri» qoǵamdyq birlestigi qurylǵan bolatyn.

Uıymnyń qurylýynyń negizgi maqsaty - Qarýly Kúshterdiń ardagerleri men olardyń otbasy músheleriniń múddesi men quqyǵyn qorǵaý bolyp tabylady. Sondaı-aq urpaqtar sabaqtastyǵyn qalyptastyryp, ofıtserlik korpýstyń kásibı daıyndyǵyn arttyrýda tól áskerimizge járdemdesý, aǵa býynnyń jaýyngerlik dástúrlerin jalǵastyryp, jastardy áskerı-patrıottyq rýhta tárbıeleý.