Elordada QR ІІM Іshki áskerleriniń án-bı ansambli kontsert qoıady
ASTANA. 18 mamyr. QazAqparat - Erteń elordada QR ІІM Іshki áskerleriniń án-bı ansambli kontsert qoıady, dep habarlady atalǵan vedomstvonyń baspasóz qyzmetinen.
«Jas urpaqqa áskerı-patrıottyq tárbıe berip, olardy otanshyldyq rýhta tárbıeleý maqsatynda Astana qalalyq qorǵanys isteri jónindegi departamenti men bilim basqarmasy birlesip, 2011 jylǵy 17-21 mamyr aralyǵynda qala mektepteriniń 11 synyp oqýshylary arasynda oqý-jattyǵý jıyndaryn ótkizýde. Osy is-sharalarǵa qoldaý kórsetý úshin 68665 áskerı bólimi (qyrqynshy stansasy) bazasynda 19 mamyrda jıynǵa qatysýshy oqýshylarǵa jáne jaýyngerlerge arnap QR ІІM Іshki áskerleriniń án-bı ansambli kontsert qoıady», - delingen baspasóz habarlamasynda.
Kontserttiń maqsaty - jastardy Otanǵa degen súıispenshilik pen ultjandylyqqa tárbıeleý, áskerı ómirdiń úzdik dástúri men urpaqtar sabaqtastyǵyn dáripteý.
QR ІІM Іshki áskerleriniń án-bı ansambli qurylymdyq bólimshe retinde mádenı-aǵartýshylyq jáne jaýyngerlerdiń demalysyna qatysty sharalardy sapaly oryndaýǵa áserin tıgizip, Іshki áskerlerdiń bedeli men abyroıyn kóterýge atsalysady. Ansambl folklorlyq-etnografııalyq, bı, vokaldyq-hor toptarynan, sondaı-aq estradalyq orkestr men ánshi-vokalısterdiń kishi quramynan turady. Sonymen birge ansambldiń quramyna qoıýshy rejısser, bas baletmeıster men mýzykalyq basshysy bar ákimshilik-shyǵarmalyq top kiredi. Ansambl tek Іshki áskerlerdiń ǵana emes, memlekettik kólemdegi is-sharalarǵa da belsendi túrde qatysady. Ansambl ujymy «Biz - Jeńistiń muragerlerimiz», «Ofıtser - erlik mamandyǵy», «Otanǵa qyzmet etý - halyqqa qyzmet etý», «Konstıtýtsııaǵa adalmyz», «Qazaqstanym - meniń bolashaǵym» atty respýblıkalyq patrıottyq aktsııalarǵa belsene qatysyp júr.
Qazirgi kezde ujymda joǵary kásibı deńgeıdegi ánshiler, bıshiler jáne mýzykanttar jumys isteıdi. Olardyń arasynda QR eńbek sińirgen ártisi Gúlnár Hamzına, belgili ánshi Estaı Muqashev, halyqaralyq konkýrstardyń laýreaty Bıbigúl Januzaq, respýblıkalyq konkýrstardyń laýreaty Baýyrjan Nurymbetov, Serik Japarov, Ashat Taýyshev, Baýyrjan Turǵymbaev, Ádilbek Kúntýǵan bar. Sondaı-aq ártisterdiń oryndaýshylyq sheberligin arttyrýdaǵy shyǵarmashylyq jumystardy júrgizýde ujym basshylary Asqar Jaryqbasov pen Aıda Bekishevanyń eńbegi zor. Ansambldiń kórkemdik jetekshisi ári basshysy - polkovnık Rahmetjan Shamuratov.
