Elordada QR ІІM Іshki áskeriniń Ortalyq orkestri men Án jáne bı ansambliniń gala-kontserti ótedi
ASTANA. 8 qańtar. QazAqparat - 10 qańtar kúni elordadaǵy Beıbitshilik pen kelisim saraıynda QR ІІM Іshki áskeriniń Ortalyq orkestri men Án jáne bı ansambliniń gala-kontserti ótedi. Bul aqparatty QR ІІM Іshki áskeriniń baspasóz qyzmeti taratyp otyr.
Vedomstvonyń atap ótýinshe, atalǵan gala-kontsert Іshki áskerdiń qurylǵan kúni men Qazaqstan Respýblıkasy táýelsizdiginiń 20 jyldyq mereıtoıyna arnalmaq.
Mádenı is-shara baǵdarlamasyna sáıkes kontsert barysynda áskerı, zamanaýı estradalyq ánder shyrqalyp, álem halyqtarynyń bıleri oryndalmaq. Sondaı-aq Beıbitshilik pen kelisim saraıynda Іshki áskerdiń qyzmettik-jaýyngerlik qyzmetinen syr shertetin fotokórme de uıymdastyrylady.
