Elordada qozǵalysyn toqtatqan qalamańy avtobýstarynyń sany artty
ASTANA. QazAqparat – Astanada qala mańyna qatynaıtyn taǵy 3 avtobýstyń qozǵalysy ýaqytsha toqtatyldy, dep habarlaıdy QazAqparat City Transportation Systems kompanııasyna silteme jasap.
«Saǵat 13.00-degi ózekti aqparat: aýa raıynyń nasharlaýyna baılanysty qala mańyna qatynaıtyn № 316, 317, 327 baǵdarlarynyń qozǵalysy ýaqytsha toqtatyldy.
Qala mańyna júretin basqa baǵdarlar lınııada», - delingen málimette.
Eske salaıyq, búgin tańerteń saǵa 09.00-de qala mańyna qatynaıtyn № 315 jáne 310, saǵat 11.00-de №308 jáne 309-ynshy avtobýstar qozǵalysy jeliden alyndy.
Osy ýaqytta Astanadan shyǵatyn birqatar avtojol barlyq kólik túrleri úshin jabyq tur:
respýblıkalyq mańyzy bar «Astana qalasy – Qabanbaı batyr kenti – Kıevka – Temirtaý (37 -51 km) avtojolynyń «Qaban batyr kenti – Qaraǵandy oblysynyń shekarasy»;
«Ekaterınbýrg - Almaty» avtojolynyń (1003 – 1247 km aralyǵy) «Astana qalasy – Atbasar qalasy» ýchaskesi;
«Astana – Ereımentaý – Shiderti» (16-200 km) avtojolynyń «Astana – Pavlodar oblysynyń shekarasy» ýchaskesi.
Sınoptıkter 3 qańtarda 13 óńirde aýa raıy buzylatyny jóninde eskertý jarııalaǵan bolatyn.
