Elordada qoıma órtenip jatyr
ASTANA. KAZINFORM – Astanalyq órt sóndirýshiler qoımadan shyqqan órtti sóndirip jatyr. Bul týraly Tótenshe jaǵdaılar mınıstrligi habarlaıdy.
- Angarlyq úlgidegi qoımadan órt shyqty. Órt sóndirýshiler ǵımarattyń shatyryn ashyp, sóndirip jatyr. Órt sóndirý jumysyn qatty tútin qıyndatyp jatyr. Sýmen úzilissiz qamtamasyz etildi, - delingen habarlamada.
TJM aqparatyna súıensek, zardap shekkender týraly aqparat joq.
Sońǵy málimet boıynsha, jedel shtab qurylyp, 3 jaýyngerlik ýchaske jumys istep jatyr. Tilsiz jaýmen kúreske 6 sý oqpany berildi. Polıtsııa departamentiniń qyzmetkerleri órt bolǵan jerdi qorshady.
Oqıǵa ornyna jeke quramnyń 82 adamy jáne 21 tehnıka jumyldyryldy.
Taıaýda elordada kóp qabatty úıden órt shyqty.
Birneshe kún buryn Astanadaǵy «Shapaǵat» bazarynan órt shyqty.