Elordada qoıan-qoltyq urystan álem chempıonaty ótip jatyr

Jarys barysynda BAQ ókilderiniń qatysýymen baspasóz maslıhaty ótti. Onda alǵash bolyp sóz alǵan Halyqaralyq qoıan-qoltyq urys federatsııasynyń prezıdenti Sergeı Astahov saıysty joǵary deńgeıde uıymdastyrýǵa atsalysqan Búkilqazaqstandyq qoıan-qoltyq urys assotsıatsııasynyń prezıdenti Sáken Isabekovke alǵysyn bildirdi.

«Biz chempıonattardy 2011 jyldan beri ótkizip kelemiz. Búgin Astanada ótip jatqan saıys – 7-shi álem chempıonaty. Alǵashqy beseýi Reseıde, altynshysy Tashkentte boldy. Negizgi uıymdastyrýshy – Búkilqazaqstandyq qoıan-qoltyq urys assotsıatsııasy. Biz, ıaǵnı Halyqaralyq qoıan-qoltyq urys federatsııasy osyndaı joǵary deńgeıde jarys uıymdastyrǵany úshin alǵys bildiremiz», - dedi Sergeı Astahov.

Onyń aıtýynsha, álem chempıonatyna 32 elden kelgen 300-den astam sportshy qatysyp jatyr.

«Saıysqa 161 er jáne 151 áıel sportshy qatysyp jatyr. Keshe «Ózin-ózi» qorǵaý boıynsha kezdesýler ótti. Barlyǵy 18 medal sarapqa salyndy», - dep toqtaldy Sergeı Astahov.

Bul chempıonatqa Qazaqstan eki qurama qosyp otyr. Mamandardyń aıtýynsha, el sportshylarynyń daıyndyǵy joǵary deńgeıde.

Aıta keteıik, jalpy qazaqstandyqtar atalǵan sport túrinen ótken álem chempıonattarynda komandalyq esepte úzdikter qatarynan kórinip júr.

Elordada ótip jatqan jarysqa 9 álem chempıony qatysyp jatyr. Olar «Jekepe-jek» jáne «Ózin-ózi qorǵaý» tártipteri boıynsha ózara synǵa túsýde.

Erteń, J.Úshkempirov atyndaǵy jekpe-jek saraıynda fınaldyq kezdesýler ótedi.