Elordada qoıan atpaq bolǵan azamattyń oǵy 5 jasar sábıge tıdi

dep habarlady Astana qalalyq ІІD baspasóz qyzmetinen.

Vedomstvonyń atap ótýinshe, keshe keshki saǵat 22-00 shamasynda Astana qalalyq ІІD Jedel basqarý ortalyǵyna qalalyq aýrýhanadan basyna oq tıgen 5 jastaǵy bala jetkizilgendigi týraly habarlama túsken. Polıtsııa qyzmetkerleri júrgizgen jedel tergeý amaldary barysynda 1966 jyly dúnıege kelgen V. esimdi azamat atqan oq balaǵa tıgendigi belgili boldy.

Atalǵan azamattyń sózine qaraǵanda, ol saǵat 21-30 shamasynda baqshasyna kirip ketken qoıandy kalıbri 12-mm-lik «Bekas 12M avto» myltyǵymen atqan. Bir ret oq atqannan keıin patrondaǵy bytyralardyń biri jeke turǵyn úıdiń metall qorshaýyn tesip ótip, dál osy sátte ata-anasymen úıge kele jatqan balaǵa tıgen.

Medıtsınalyq tekserý qorytyndysyna sáıkes, balany jaralaǵan azamat V. Іshimdik ishpegen. Qazirgi ýaqytta tergeý amaldary júrgizilýde. Oqıǵanyń barlyq mán-jaıy anyqtalý ústinde.