Elordada qosymsha qatań talaptar engiziledi
NUR-SULTAN. QazAqparat - Elordada qosymsha qatań is-sharalar engiziledi. Bul týraly Nur-Sultan qalasynyń bas memlekettik sanıtarlyq dárigeri Sarhat Beısenova aıtty, dep habarlaıdy QazAqparat tilshisi.
«Sońǵy aptada aldyńǵy aptamen salystyrǵandar naýqastaný deńgeıiniń 65 paıyzzǵa nemese 1400 jaǵdaıǵa ósýine baılanysty jáne epıdemıologııalyq ahýaldyń nasharlaýyn eskere otyryp, qosymsha qatań is-sharalar engiziletin bolady», - dedi sanıtar dáriger.
Onyń atap ótýinshe, elorda aýmaǵynda saıabaqtardaǵy ashyq aýada jumys isteıtin attraktsıondardyń jumysyna tyıym salynady. Qala kúnin atap ótýge de shekteýler engiziledi. Bul rette is-sharalar onlaın formatta jáne ashyq aýada Ashyq jobasy arqyly ǵana júrgiziledi. Kórermenderdiń qatysymen kontserttik is-sharalar da ótkizýge bolmaıdy.
«Іri sport keshenderinde kórermenderdiń qatysýymen sporttyq is-sharalardy ótkizýge, ekskýrsııalyq týrlar uıymdastyrýǵa tyıym salynady. Bilim berý ortalyqtardynda bilim alýshylardyń sany 15-ten 10 adamǵa deıin qysqartylady jáne demalys kúnderi jumys isteýine tyıym qoıylady», - dedi Sarhat Beısenova.
