Elordada kóshpendiler oıyny kezinde Shuttle Bus baǵdary engiziledi
ASTANA. KAZINFORM – Kóshpendiler oıyndaryna qatysatyn sportshylar men kórermenderdi tasymaldaıtyn arnaıy avtobýstar uıymdastyrylady. Bul týraly №1 avtobýs parkiniń basqarma tóraǵasy Madııar Tuqpatov málim etti.
«100 avtobýs dúnıejúzilik kóshpendiler oıyndaryna qatysatyn sportshylardy tasıdy. Olarǵa beriletin Shuttle bus-tar qonaq úı men oıyn alańdary arasynda qatynaıdy. Sondaı-aq, kórermenderge de 100-200-deı avtobýs daıyndaý jaǵyn qalalyq ákimdikpen pysyqtap jatyrmyz», - dedi Madııar Tuqpatov №1 avtobýs parkinde uıymdastyrylǵan baspasóz týry barysynda.
Sondaı-aq, №1 parktiń keıbir avtobýstary kóshpendiler oıyndaryna oraı arnaıy bezendirilgen.
Eske salaıyq, 8-13 qyrkúıek aralyǵynda Astanada etnıkalyq sport túrleri boıynsha halyqaralyq sporttyq jarystar – V Dúnıejúzilik kóshpendiler oıyndary ótedi. Sporttyq is-sharaǵa 89 elden 2 myńnan astam adam qatysady.
Kóshpendiler oıyndarynyń saltanatty ashylýy «Astana arenada» ótedi.
Aıta keteıik, elorda dúnıejúzilik kóshpendiler oıyndaryna oraı arnaıy bezendirilip jatyr.
