Elordada kóshi-qon zańnamasyn buzǵan myńnan astam mıgrant anyqtaldy
ASTANA. QazAqparat - Bas qalada «Quqyqtyq tártip» jedel-aldyn alý is-sharasy jalǵasýda, dep habarlaıdy Astana qalasy ákimdiginiń resmı saıty ІІD-niń baspasóz qyzmetine silteme jasap.
Astana qalasynyń 20 jyldyǵyn merekeleý qarsańynda qaýipsizdik deńgeıin kóterý jáne quqyqtyq tártipti qamtamasyz etý, sondaı-aq elordadaǵy krımınogendik ahýaldy saýyqtyrý maqsatynda qala aýmaǵynda 21-31 mamyr aralyǵynda «Quqyqtyq tártip» jedel-aldyn alý is-sharasy ótkizilýde.
Sharanyń eki kúninde kóshi-qon zańnamasyn buzǵan 1033 mıgrant anyqtaldy. Olardyń 828-i - Ózbekstan, 51 - Qyrǵyzstan, 71 - Tájikstan, 29 - Ázerbaıjan, 18 - Reseı, 9 - QHR, 14 - Armenııa, 1 - Belarýs, 6 - Grýzııa, 5 - Túrkııa azamaty.
Shara barysynda ártúrli baptar boıynsha ákimshilik jaýapkershilikke 3202 tulǵa, olardyń ishinde Qazaqstan Respýblıkasynda bolý tártibin buzǵany úshin 926 shetel azamaty jaýapqa tartyldy.
Astana qalasynyń Іshki ister departamentiniń qabyldaǵysh-taratqyshtaryna 110 tulǵa, onyń ishinde 109 shetel azamattary ornalastyryldy.
Ýaqytsha tirkeýsiz júrgen Qazaqstan Respýblıkasynyń 204 azamaty anyqtalyp, turǵylyqty jeri boıynsha azamattardy zańsyz tirkegeni úshin 56 adam jaýapqa tartyldy.
Sheteldik jumys kúshin zańsyz paıdalanǵany úshin Qazaqstan Respýblıksynyń 22 azamaty jaýapqa tartyldy. Qıyn jaǵdaıǵa ushyraǵan adamdardy áleýmettik qalpyna keltirý ortalyǵyna 35 adam ornalastyryldy.
Tyıym salynǵan zattardy zańsyz saqtaǵan nemese ustaǵany úshin 6 tulǵa ustaldy. 284 qarý ıesi tekserilip, onyń ishinde 19 adamnyń qarý saqtaý quqyǵyn buzǵany anyqtaldy, 19 birlik qarý alyndy.
Osy jyldyń 21-24 mamyry aralyǵynda 144 qylmys tirkelip, onyń ishinde 38-i ashyldy. Іzdeýde júrgen 16 tulǵa ustaldy. Astana qalasynyń Memlekettik kirister departamentinde 400-den astam shetel azamaty salyq tóleýshi retinde tirkelgen.
