Elordada kóshede oq atqan er adam jaýapkershilikke tartyldy
ASTANA. KAZINFORM – Astana qalasynyń Polıtsııa departamenti qoǵamdyq orynda dabyl tapanshasynan oq atqan azamat qamaýǵa alynǵanyn málimdedi.
– Polıtsııa qyzmetkerleri avtokólik salonynda otyryp, dabyl tapanshasynan aýaǵa eki ret oq atqan 29 jastaǵy er adamdy anyqtap, ustady. Tekserý barysynda quqyq buzýshynyń atalǵan áreketti jasaǵan kezde alkogoldik masań kúıde bolǵany belgili boldy, – delingen vedomstvo habarlamasynda.
Quqyq buzýshyǵa qatysty qoldanystaǵy zańnamaǵa sáıkes tıisti sharalar qabyldandy.
– Qoǵamdyq orynda mas kúıinde júrgeni úshin oǵan ákimshilik jaýapkershilik júkteldi. Al qarýdy zańsyz saqtaý jáne alyp júrý deregi boıynsha jınalǵan ákimshilik materıal sottyń qaraýyna joldandy. Sonymen qatar, sot qaýlysymen usaq buzaqylyq jasaǵany úshin quqyq buzýshyǵa 10 táýlik merzimge ákimshilik qamaqqa alý jazasy taǵaıyndaldy, – dep habarlady PD.
Sondaı-aq, Polıtsııa departamenti QR zańnamasynada qoǵamdyq tártipti buzatyn jáne azamattardyń qaýipsizdigine qaýip tóndiretin kez kelgen zańsyz áreket úshin jaýapkershilik qarastyrylǵanyn eskertti.
Aıta keteıik, buǵan deıin Túrkistan oblysynda qarýdy saqtaý talabyn buzǵan 700-ge jýyq azamat jaýapqa tartylǵanyn jazǵanbyz.
