Elordada kóshe sportyna arnalǵan kolızeı men baqylaý alańy ashyldy
NUR-SULTAN. QazAqparat –Elordada alǵash ret NS street life atty kóshe sportyna arnalǵan kolızeı men baqylaý alańy ashyldy, dep habarlaıdy QazAqparat.
Elordada taza aýada ýaqyt ótkizýge bolatyn jańa oryndar ashylyp jatyr. Qalada alǵash ret NS street life atty kóshe sportyna arnalǵan kolızeı ashyldy. Bul eki deńgeıli mýltıfýnktsıonaldy arena.
« Munda qala turǵyndary men qonaqtary basketbol, fýtbol oınap, osy sport túrlerinen jarystar, sol sııaqty boks jáne bı týrnırlerin ótkize alady. Ekinshi qabatta kóleńkeli shatyrlar ornalasqan.
NS street life kóshe sporty kolızeıi Almaty aýdanynda Q,Muńaıtpasov kóshesi men Táýelsizdik dańǵylynyń qıylysynda (Otan qorǵaýshylar alańy mańaıy) ornalasqan. Kolızeıdiń janynda konkı alańyn ashamyz», dep jazdy qala ákimi Altaı Kólginov jelidegi paraqshasynda.
Ákimniń aıtýynsha, Esil ózeniniń jaǵalaýy boıyndaǵy saıabaqta («Qalalyq romans» TK jaǵynan) balalar men eresekterge arnalǵan taǵy birneshe aımaq abattandyryldy. Eresekter úshin demalýǵa arnalǵan tynysh aımaqtar jáne t.b. ashyldy. Sonymen qatar, bul aýdanda ózen men aımaq kórinetin eki qabatty baqylaý alańy ornatyldy. Ol aýmaqtan alys emes jerde kópir asty keńistik (Saraıshyq boıynda) ornalasqan. Onda basketbol, vorkaýt, ıoga alańdary, fýtbol alańy jáne t.b. bar.
«Bul elorda turǵyndarynyń bos ýaqytyn densaýlyǵy úshin paıdaly ótkizýine, sol sııaqty sportpen shuǵyldanýyna bolatyn oryndardy barynsha kóp qamtýǵa múmkindik beredi. Qala turǵyndarynyń erte jastan sportpen shuǵyldanýy mańyzdy. Memleket basshysy halyq arasynda buqaralyq sportty damytýǵa jáne salaýatty ómir saltyn nasıhattaýǵa erekshe kóńil bóledi.
Elordany «Nur-Sultan – jaıly qala» jospary aıasynda abattandyrý júrip jatyr. Bıyl 150 aýla men 40 qoǵamdyq keńistik (saıabaq, gúlzar, jelekjol) salynady. Olardyń jartysyna jýyǵy daıyn. Ótken jyly 150 aýla jáne 60 qoǵamdyq keńistik abattandyryldy», – dep jazdy elorda ákimi.
