Elordada kóshe saýdasyna tyıym salyndy
NUR-SULTAN. QazAqparat - Elordada karantın aıaqtalǵanǵa deıin serýendeý kemesiniń jumysyna, kóshe saýdasynyń kez kelgen túrine tyıym salynǵan. Bul týraly Nur-Sultan qalasynyń Bas memlekettik sanıtarlyq dárigeri Janna Piráıevanyń qaýlysynda kórsetildi, dep habarlaıdy QazAqparat tilshisi.
Qaýlyda aıtylǵandaı, jobamen 50 adam otyratyn orny bar dámhana men meıramhanalardyń jumysyna ruqsat etilgen, biraq ujymdyq is-sharalar ótkizýge jáne banket pen saltanatty zaldardyń jumysyna tyıym salynady.
«Sanıtarlyq-epıdemıologııalyq talaptar men karantındik rejımdi saqtaı otyryp, bilim berý ortalyqtarynyń, ártúrli sala mamandaryn daıarlaý kýrstarynyń, semınar sabaqtarynyń, eresekterge arnalǵan úıirmelerdiń qyzmetine ruqsat etilsin. Tek jeke sabaqtar bolýy kerek nemese toptaǵy adam sany beseýden aspaýy shart», - delingen qujatta.
Sondaı-aq, serýendeý kemesiniń jumys isteýine, kóshe saýdasynyń kez kelgen túrine tyıym salynǵan.
