Elordada kóshe saýdasy úshin berilgen jerlerdiń maqsatty paıdalanylýy tekseriledi

ASTANA. QazAqparat - Kóshe saýdasy úshin berilip, biraq paıdalanylmaı jatqan jer telimderin qaıtarý kerek. Bul týraly turaqty komıssııanyń otyrysynda elorda maslıhatynyń hatshysy Erlan Kanalımov aıtty, dep habarlaıdy QazAqparat tilshisi.

«Quramyna máslıhat depýtattary, barlyq jaýapty memlekettik organdar kiretin jumys tobyn quraıyq. Qajet bolǵan jaǵdaıda quqyq qorǵaý organdaryn da tartaıyq. Sosyn «1000 oryn – kóshe saýdasy» baǵdarlamasy boıynsha jalǵa berilgen ýchaskelerde ornalasqan obektilerge monıtorıng júrgizeıik. Eger jumys istemeı, paıdalanylmaı jatqan jerler bolsa, onda ol kásipkerlermen kelismshartty buzamyz.

Sodan keıin, saýda ortalyqtarymen jumys jasańyzdar. Biz saýda ortalyqtary deımiz. Olar qazir qandaı kúıde? Ne bolyp jatqanyn qarańyz! «Jannur», «Astana MALL» bazarǵa aınaldy. Bul jerlerdegi kólik turaǵynyń ornyna dúńgirshekterdi qoıýǵa kim ruqsat berdi? Adamdar kóligin qaıda qoıýy kerek? Muny kim qadaǵalaıdy? Bul jer ýchaskelerin maqsatsyz paıdalaný. Bul ýchaskelerdiń jartysy memlekettik jer. Tek turaq úshin ýaqytsha jalǵa berilgen», - dedi Eran Kanalımov.

Maslıhat hatshysy eger «1000 oryn – kóshe saýdasy» baǵdarlamasy tıimdi iske asyrylmasa, onda ony jaýyp, ornyna júıeli baǵdarlama qabyldaý qajettigin aıtty.