Elordada kóshe qıylysynda bı bılegen qyzǵa polıtsııa túsindirý jumysyn júrgizdi
NUR-SULTAN. QazAqparat – Elordadaǵy Kereı-Jánibek jáne Máńgilik El kósheleriniń qıylysynda bı bılep, Іnstagram-da qyzý talqylanǵan boıjetkenmen polıtsııa ókilderi túsindirý jumysyn júrgizdi, dep habarlaıdy tilshisi.
Nur-Sultan qalasy polıtsııa departamentiniń baspaóz qyzmetiniń habarlaýynsha, «102» arnasyna bul oqıǵa týraly habar keshki saǵat 21.03-te túsken.
«5 tamyz kúni saǵat 21.03-te «102» arnasyna Kereı-Jánibek jáne Máńgilik El kósheleriniń qıylysynda beıtanys qyzdyń úsh saǵattan beri bılep jatqany týraly habarlama kelip tústi. Oqıǵa ornyna kelgen polıtsııa qyzmetkerleri qyzdyń kim ekenin anyqtap, profılaktıkalyq áńgime júrgizdi», - dep jazady departamenttiń baspasóz qyzmeti.
Іnstagram -daǵy vıdeolardan boıjetkenniń óz áreketin «eshbir zańǵa qaıshy emes» dep esepteıtinin kórýge bolady.
Degenmen polıtsııa bul joldaǵy kólik júrgizýshilerdiń nazaryn aýdarý arqyly apat jaǵdaıyn týǵyzýy yqtımal degen ustanymda.
«Nur-Sultan qalasynyń polıtsııa departamenti jol-kólik oqıǵalaryn boldyrmaý úshin júrgizýshilerdiń nazaryn aýdarmaý kerektigin eskertedi», - dep jazylǵan resmı málimette.
