Elordada «Kóshbasshy bolý - ýaqyt talaby» atty konferentsııa ótti
«Tuńǵysh Prezıdent kúni qarsańynda ótkizip otyrǵan ǵylymı-tájirıbelik konferentsııamyz «Kóshbasshy bolý - ýaqyt talaby» taqyrybynda ótýde. Bul is-shara negizinde úsh jyl boı mýzeıimizde jastardyń arasyndaǵy lıderlik qasıetti damytýǵa baǵyttalǵan ǵylymı-tájirıbeniń nátıjesi desek te bolady», - dedi atalǵan mýzeı dırektorynyń orynbasary Botagóz Kaıpova.
Onyń atap ótýinshe, sharaǵa Astana qalalyq bilim basqarmasynyń ádiskerleri, ǵylymı jáne pedagogıkalyq qaýymdastyq, úkimettik emes uıymdar men bilim berý uıymdarynyń ókilderi qatysqan.
«Nursultan Ábishulynyń janyma jaqyn erekshe bir sózi bar. «Men óz halqymnyń jolynda basymdy báıgege tikken adammyn», deıdi Elbasymyz. Jastardyń boıyna dál osyndaı qasıetti sińirý úshin olardyń Otanyna degen erekshe súıispenshiligin oıatýymyz qajet. Óz taǵdyryn Otanymen baılanystyrýymyz kerek», - deıdi B.Kaıpova.
Dırektor orynbasarynyń aıtýynsha, mýzeı janynan «Aqıqat» dep atalatyn pikirtalas klýby ashylǵan. Onda qalalyq, respýblıkalyq, tipti halyqaralyq deńgeıde Qazaqstan tarıhynyń ózekti máselelerine arnalǵan pikirtalastar ótkizilip turady. Munan bólek «Elbasytaný» dep atalatyn arnaıy kýrs ázirlenip, Astana qalasy men qatar Aqmola oblysyna qarasty birqatar aýdandardyń oqýshylary semınar sabaqtar turaqty ótkizilýde.
