Elordada qos azamattyqpen júrgen 200 adam jaýapqa tartyldy
«Sońǵy 6 aıdyń ishinde 496-bap boıynsha 200-ge jýyq adam ákimshilik jaýapkershilikke tartyldy. Olar basqa eldiń azamattyǵyn alǵany týraly ýaqtyly habarlamaǵan. Qazaqstanda qos azamattyq qabyldanbaıdy. Sondyqtan biz olardy ákimshilik jaýapkershilikke tartamyz», - dedi Poltsııa departamenti kóshi-qon qyzmeti basqarmasynyń basshysy Erbol Mahmetov elorda polıtsııa departamentinde ótken baspasóz máslıhatynda.
Onyń aıtýynsha, kóshi-qon qyzmeti basqarmasy eńbek mıgranttaryna 15 túrli memlekettik qyzmet kórsetedi.
«Olardyń sapasy men ýaqytyly kórsetilýinen árbir polıtsııa organynyń jáne tutastaı Іshki ister mınıstrliginiń jumysy baǵalanady. Memlekettik qyzmetterdi kórsetýde olardy avtomattandyrýǵa jáne elektrondy nusqaǵa aýdarýǵa basty nazar aýdarylady. Bıyl 7 aıda elordanyń kóshi-qon qyzmetiniń bólimsheleri 344 094 memlekettik qyzmet kórsetti. Onyń ishinde kóshi-qon qyzmetiniń bólimshelerimen tikeleı baılanys kezinde –11 129, memlekettik korporatsııa arqyly –197 291, «Elektrondyq úkimet» veb-portaly arqyly –106 873», - deıdi ol.
